Creawdwr a darlunydd murlun yw Ioan Raileanu gyda BA mewn Darluniau o Met Caerdydd a thystysgrif Ôl-raddedig yn y Celfyddydau Therapiwtig o Brifysgol De Cymru ac mae hefyd wedi bod yn aelod o Start-up Stiwdio Sefydlu Prifysgol De Cymru ers 2022. Mae Ioan yn furluniwr sy’n gallu dylunio patrymau, tirweddau, dinasluniau, mapiau, ffigurau a chreaduriaid a phopeth rhyngddynt. WallArtForAll yw enw busnes Ioan, ac mae wedi gweithio ar nifer o waliau o wahanol feintiau a chyllidebau, y tu mewn a’r tu allan i arddangos ei ddyluniadau artistig a golygfaol esthetig wedi’u paentio â llaw. Mae Ioan yn credu y gall murluniau gael effaith aruthrol ar drawsnewidiad y lle gan ei fod yn trosi gofodau yn gyfleoedd i fynegiant a gwneud y mwyaf o lefydd sydd wedi eu hanwybyddu a’u hanghofio gan mwyaf. Mae Ioan yn defnyddio paent emwlsiwn acrylig o ansawdd uchel, nad yw’n wenwynig, ag arogl isel, sy’n sychu’n gyflym ac sy’n para tua 7+ mlynedd. O ganlyniad, mae gwaith Ioan yn addas ar gyfer gofodau cymunedol, ysgolion, meithrinfeydd, swyddfeydd, cartrefi gofal, ysbytai, gweithleoedd a chartrefi preifat. Y prif nod y tu ôl i WallArtForAll yw dod â lliw a bywyd i bob math o ofodau a thrawsnewid yr amgylchedd yn ardal ragorol ar gyfer rhyngweithio cymdeithasol newydd.
