I ddathlu Diwrnod Rhyngwladol y Menywod, a thynnu sylw at ein busnesau newydd gwych, dyma ddetholiad o’r busnesau y mae Stiwdio Sefydlu PDC wedi bod yn eu cefnogi drwy’r rhaglen Datblygu Menywod Entrepreneuraidd, mewn partneriaeth â Natwest.
Mwy i ddod yn fuan!
SAKURA ( Allison Mackenzie)
Mae Allison Mackenzie o SAKURA yn artist llawrydd a ysbrydolwyd gan Japan ac yn wneuthurwr printiau sydd bellach yn byw yng Nghasnewydd. Mae hi wedi cael ei swyno gan y Dwyrain Pell ers yn ifanc iawn a bu’n ddigon ffodus i fyw a gweithio yn Japan am tua 13 mlynedd a hanner. Mae hi’n cynhyrchu gweithiau celf gain gwreiddiol, yn dylunio nwyddau celf a deunydd ysgrifennu ac yn cynnal gweithdai creadigol a diwylliannol.
Sakura • Website
• Sakura • Facebook
• Sakura • Twitter
• Sakura • ETSY
• Sakura • Instagram
–
“Mae rhaglen cymorth busnes DEW (Datblygu Menywod Entrepreneuraidd) wedi bod o gymorth mawr i mi dros y misoedd diwethaf. Gyda dosbarthiadau wyneb yn wyneb ac ar-lein, mae wedi rhoi cyfle i mi gyfarfod a rhannu arfer da gydag aelodau eraill y cwrs. Mae’r addysgu wedi bod yn werthfawr iawn, ac mae’r cyfeillgarwch yn y dosbarthiadau, a sefydlwyd gan Prith, wedi bod yn hwb mawr i’m hyder, gan fy helpu i fynd yn ôl i’r byd a dechrau rhwydweithio a chydweithio ag eraill.”- Ally
CURLYBONCE (Emma Jenkins)
Mae Emma yn ffotograffydd portreadau gydag ystod eang o brofiad. Mae ei ffocws ar hyn o bryd ar sesiynau portreadu mamau a babanod. Mae hi wrth ei bodd yn gallu dal y cwlwm rhwng mam a baban newydd-anedig, a hefyd rhoi lluniau ac atgofion i’r teulu y byddant yn eu trysori am flynyddoedd i ddod.
Mae Emma hefyd yn artist tecstilau sy’n canolbwyntio ar uwch-gylchu. Mae hi’n angerddol am rannu ag eraill am y niwed y mae ffasiwn gyflym yn ei gael ar y blaned a dynolryw a’r pethau bach y gall pobl eu gwneud i helpu. Mae hi’n ail-bwrpasu eitemau mae hi’n dod o hyd iddyn nhw mewn siopau elusen, i beth bynnag sy’n dod i’w meddwl. Mae’n ei helpu i dawelu ei meddwl a hefyd i wneud incwm wrth werthu’r eitemau y mae’n eu creu.
ffotograffiaeth- @curlyboncephotography
gwaith tecstilau – @curlyboncecreations
“Mae’r Rhaglen Datblygu Menywod Entrepreneuraidd wedi helpu fy hyder i dyfu cymaint. Mae’r rhaglen wedi fy helpu i osod nodau cyraeddadwy ar gyfer yr ychydig fisoedd nesaf, gan gynnwys y rhai sydd eisoes wedi digwydd. Mae’r rhaglen hefyd wedi fy helpu i weld y llwybr at dwf yn fy musnes mewn camau llai, yn hytrach na chael fy llethu gan y darlun llawn i gyd ar unwaith.
Rwyf mor ddiolchgar bod ffrind wedi argymell y rhaglen hon i mi, ac rwy’n hynod gyffrous i weld beth sydd gan y dyfodol i’w gynnig.”- Emma
SIRIA FERRER PHOTO (Siria Ferrer)
Mae Siria Ferrer, a anwyd yn Ibiza yn 1995, yn ffotograffydd portreadau a ffasiwn sydd wedi’i lleoli yng Nghaerdydd, Cymru. Yng nghanol y pandemig, datblygodd ei phortffolio yn ddiwyd, gan ennill cydnabyddiaeth mewn cyhoeddiadau megis cylchgrawn Iconic Artist, cylchgrawn HORIZONT, Mob Journal, Young in Focus, ac eraill. Hefyd yn 2020, cyd-sefydlodd gylchgrawn VAINE gyda’i phartner, gyda’r nod o ddathlu ac arddangos celf a llenyddiaeth sy’n dod i’r amlwg.
Wedi’i lleoli yng Nghaerdydd ers 2021, mae’r ffotograffydd llawrydd Siria yn canolbwyntio ar yrru gyrfaoedd pobl greadigol drwy ei ffotograffiaeth broffesiynol. Gan gydweithio gyda cherddorion fel Mali Haf, Mari Mathias, Josh Hicks, Otto Aday, ac yn fwyaf diweddar gyda The Mysterines, cyfrannodd ffotograffau i raglen ddogfen y BBC ‘Foxy Music’ (2023) ar gyfer New Voices of Wales. Y tu hwnt i’r sin gerddoriaeth, mae hi wedi partneru ag awduron, arlunwyr, ac amryw o frandiau lleol a rhyngwladol, gan gynnwys Boutique De Nana, Da-Ti Clothing, ac Ámbar Collections.
Dyrchafwch eich delwedd broffesiynol gyda’i ffotograffiaeth bwrpasol
Siria Ferrer Sainz-Pardo | LinkedIn
Siria Ferrer (@siriaferrerphoto_) • Instagram photos and videos
“Rwy’n wirioneddol ddiolchgar am fy mhrofiad gyda Gweithdai Datblygu Menywod Entrepreneuraidd PDC. Mae’r sesiynau difyr, yr arweiniad arbenigol, a’r grŵp cefnogol wedi hybu fy nhwf yn sylweddol ac wedi fy ysgogi trwy gydol y broses gyfan. Rwyf wedi cael cipolwg gwerthfawr ar ochr fusnes pethau, ac roedd yr ymarferion yn ddefnyddiol ac yn bleserus. Rwy’n argymell y gweithdai hyn yn llwyr i unrhyw entrepreneur benywaidd uchelgeisiol!- Siria
